Машко-женска комуникација

Најчестите машки одговори се оние кратките "да", "не" и "незнам". Понекогаш, на женските прашања знаат да одговорат и со неколку реченици. Чест на исклучоците кои со својата партнерка сепак малку повеќе комуницираат.

Жените полесно ги вербализираат своите емоции и чувства, а за проблемите можат да разговараат непрекинато. Мажите зборуваат помалку, а научниците се согласуваат дека половината од мозокот која им е задолжена за комуникација им е помалку развиена отколку кај жените.

Според научниците емотивно вознемирениот маж попрво физички ќе се пресмета, додека жените сакаат да разговараат за проблемите.

Доколку сакате вашата драга да биде задоволна кога ќе има желба за разговор, имајте на ум што за жените значи комуникација.

Жените низ разговор создават чувство на блискост
Иако ова мажите не можат да го разберат, жените сакаат да разговараат и кога за тоа немаат посебна причина. Жените мразат тишина и низ разговор сакаат да се поврзуваат со својот партнер, па затоа ги ценат мажите кои знаам да ги сослушаат и со нив да поразговараат.

Своите чувства јасно ги вербализираат
Жените уживаат во самиот процес на комуникација. затоа, не им е тешко да разговараат за своите чувства, а низ разговор и самите полесно сфаќаат што ги мачи и како да се справат со проблемите. За разлика од нив, мажите своите внатрешни битки ги водат сами. Но, на жените им треба добар слушач пред кого ќе си ги кажат маките.
Жените ги интересираат детали
Ги нервира кога мажите им одговараат со "добро" или "незнам". Кога ќе ве прашаат како сте поминале на разговор за работа, на забава или со пријателот на кафе, очекуваат да им дадете малку повеќе информации.

Со разговор се ослободуваат од напнатоста
Разговарајќи со пријателките, со мајката, со партнерот, жените ги исфрлаат фрустрациите, па сакаат кога не се омаловажува нивната потреба за разговор.