Според информации добиени од "сигурен извор", Google планира наскоро да отпушти околу 10.000 вработени, пренесува интернет страницата WebGuild. Причините не се наведени.
Истиот извор вели дека во изминативе неколку месеци Google веќе се "ослободил" од стотина вработени, иако за тоа сеуште не ја известил јавноста.
Иако за вакви масовни отпуштања Google би требало да ја извести јавноста, WebGuild вели дека можеби и нема да дојде до тоа. Наводно, околу 10.000 работници веќе се класифицирани како "оперативен трошок", а поради тоа што не се во постојан работен однос, Google може да ја прекине соработката со нив без никакво јавно известување.
Google има 20.000 постојано вработени и 10.000 работници на привремени позиции, кои немаат здравствени бенефиции, осигурување, ниту пак привилегиии за дел сопственост на дел од акциите. Од Google сеуште не ги деамантираат (ниту пак коментираат) овие информации кои неодамна проструија низ повеќе интернет медиуми.