IcoFX: Бесплатен уредувач на икони

Конечно бесплатен а солиден уредувач на икони за Windows и Macintosh. Не мора повеќе да барате кракови кога ќе ви притреба икона за вашиот проект.

Овој софтвер претставува сѐ-во-едно решение за креирање, вадење и уредување икони. Поддржани оперативни системи се Windows XP, Vista и Macintosh.

Со многуте алатки, поддршката за транспарентност и преку 40 ефекти на располагање, речиси нема ограничувања во однос на она што можете да го сработите. Лесно може да ги претворите вашите омилени слики во икони, или обратно.

Покрај стандардните графички формати, поддржани се и форматите на Фотошоп и Илустратор, вклучувајќи ја и нивната транспарентност.

Исто така, можете да креирате и библиотеки со икони, или да ги менувате иконите вградени во извршните датотеки. Дополнителна погодност е и можноста за претворање икони помеѓу форматите на Windows и Macintosh, а не е изоставен ни batch режимот на работа. Од официјалната страна можете бесплатно да ја снимите инсталацијата.т.е тука.