Град на самоубијци

Привлечени од најновата репутација на Швајцарија како место во кое странците без проблем можат да му стават крај на својот живот, стотици Германци, Британци, Французи, Американци и останати, доаѓаат секоја година во Шверценбах, гратче источно од Цирих, легнуваат на кревет и пијат смртоносна доза барбитурати.

Во просек два пати неделно странци од целиот свет доаѓаат во Шверценбах за да извршат самоубиство. Повеќето од нив неизлечиво болни, како и такви кои страдаат од ментални пореметувања.

Oваа "самоубиствена пракса" се најде под лупа откако британската телевизија минатата недела емитуваше снимка на која Крејг Ајверт (59) од Чикаго кој страда од парализа се самоуби во Шверценбах.

Некои земји, вклучувајќи ги Холандија, Белгија и сојузните држави на САД Орегон и Вашингтон неодамна дозволија еутаназија за луѓето кои страдаат од неизлечливи болести, но Швајцарија е единствена која им дозволува на странците да дојдат и да се убијат - сепак, со неколку ограничувања кои се однесуваат на методата, времето и мотивот на самоубиството.

Докторите во Швајцарија имаат одредена слобода да препишат ветеринарни лекови за таа цел. ЛИцето кое сака да се самоубие пие чаша вода помешана со натриум пентобарбитал, по што заспива, а смртта настапува по половина час.

Повеќето од странците кои сакаат да се самоубијат и се обраќаат на агенцијата "Дигнитас" - една од неколкуте организации во Швајцарија кои се занимаваат со овој "самоубиствен туризам". За своите "услуги", оваа организација наплатува 10.000 франци, односно 8.300 евра, а во цената се пресметани и правните формалности, како и консултации со доктор кој ќе препише смртоносен лек.

Владата бара начин да му стави крај на овој самоубиствен туризам.
http://kajgana.com/statija_4634.html